Bahujan Samaj Party (BSP) chief Mayawati-i chuan a vahpa, Akash Anand chu amah thlaktu turin a ruat. 

Anand-a hi kum 2019 Lok Sabha inthlan bawrah khan Mayawati-i party tan nasa takin a thawk a, an party national coordinator a ni. 

Hruaitu hlun hian Pathiannia an which party thutkhawm pawimawh tak, office bearer-te telnaah amah thlaktu tur hi a puang thut a ni. 

Mayawati-i hi politics-a chanvo chhungkaw inhlan chhawn sawisel nasa tak thin a ni a; mahse, a nuta, Anand Kumar chu kum 2018 khan national vice president-ah ruatin Akash-a hi a national coordinator-ah a ruat bawk.

Kum 28 mi chauh, Anand hi kum 2019 Lok Sabha inthlan dawnah politics-ah a lut a. Mayawati-i leh BSP hruaitu lawkte a zuina thlalak hmuh tur a tam hle.

A hma pawhin BSP thil tihnaah a inlan ve fo va, kum 2017 Uttar Pradesh assembly inthlan dawnah pawh khan campaign-naah a ni hi a zui nasa bawk.

BSP hruaitu, Udayveer Singh chuan Anand-a hi ram puma an party tiliana tichak turin mawhphurhna pek a nih thu a sawi a, “Mayawati-i hian a aiawh zui turin a ti a ni,” a ti.

Inrinni maiah khan BSP hian an Lok Sabha MP, Danish Ali chu an party kalh zawnga a chet avangin an hnawh chhuak.

Ali-a hi Zirtawpnia Lok Sabha rorel inkhawmah eptu member dangte nen MP atanga Trinamool Congress hruaitu, Mahua Moitra-i paih a nih duh loh lantir nan a chhuak tau ve a, hei hi an party chuan ‘tih dan phung lo’ tiin an party thutlukna kalh nia ngaiin an hnawh chhuak a ni.