Aizawl July 26, 2024 : Medica Superspeciality Hospital, Kolkata-a Doctor te chuan vawiin khan thuthar thehdarhtute an kawl a, he hunah hian Neuro Surgery Senior Consultant Dr. Harsh Jain chuan India ramin hriselna lam a ngaihtuah hman lo a, damlo chiah an enkawl hman tiin a sawi a, hriselna ngaihtuah turin mipuite a chah.

Dr. Harsh Jain chuan Mizote zingah zuk leh hmuam ti an tam avangin stroke an tam phah a ti a, stroke thlen chhanah lung leh thluak hrisel a pawimawh dan a inang reng tih a sawi a, taksa hriselna tha neih chu stroke pumpelh nan a tul thu a sawi.

Medica Superspeciality Hospital (MCH) hian Mizo Kal (kidney) 72 an thlak tawh thu Dr. Harsh Jain chuan a sawi a, heng zinga 52 te chu hlawhtling taka thlak an ni a ti. Vawiina Medica doctor ten thuthar thehdarhtu te an kawmnaah hian an damlo enkawl tawh pathum an inlan a, anni hian Medica Hospital-a an enkawl dan te sawiin pan tlak nia an hriat thu te an sawi bawk.

Medica te hian Centre of Excellence pasarih - Neurological Disease, Cardiac Science, Orthopaedics, Gastroenterology & GI Surgery, Kidney Disease, Critical Care leh Oncology te an nei a, heng bakah hian MSH hian Obstetrics & Gynaecology, Paediatrics, Endocrinology & Diabetes, Daermatology, Plastic Surgery, Internal Medicine, General Surgery, Psychiatry & Psychology leh Physical Therapy & Rehab service department te an nei bawk a ni.