DOWNLOAD OUR APP

Read latest news on your phone
app-store

Mexican sipaiten drugs lord El Mencho luhchilh

Feb 20, 2022

‘El Mencho’ tia hriat lar, Nemesio Oseguera Cervantes-a hi Naranjo de Chila, Aguililla-a piang niin Mexico leh United States man duh lai a ni. Tun hnaiah khan a kaihhruai ruihhlo tawlhtu pawl eptu pawl dang chuan a chenna in hualin rahpuah bomb an kap tipuakin mi pakhat a thi a, mi dang inhliam an awm nual bawk.

Mexican sipaite chuan ruihhlova sumdawng lalpa, thiltithei tak chawr chhuahna khua, an ram khawthlang lama Michoacán state-a mi chu an thunun fel ta.

‘El Mencho’ tia hriat lar, Nemesio Oseguera Cervantes-a hi Naranjo de Chila, Aguililla-a piang niin Mexico leh United States man duh lai a ni.

Tun hnaiah khan a kaihhruai ruihhlo tawlhtu pawl eptu pawl dang chuan a chenna in hualin rahpuah bomb an kap tipuakin mi pakhat a thi a, mi dang inhliam an awm nual bawk.

Army lirthei leh landmine detection team chu khaw chhungah hian patrol bawk.

‘El Mencho’ hi Jalisco New Generation Cartel (CJNG) hotu niin hun rei tak a lo tlanchhe tawh.

A gang hi Mexico-a drug cartel thiltithei ber pawl niin Mexican venhim hna thawktute beihnaah pawh an tel nasa a. An beih zingah kum 2015-a Jalisco-a police an lambuna officer 15 an thah leh kum 2020-a Mexico City-a police chief an thahte pawh a tel.

A cartel hi an indinna, Jalisco state atanga inzar pharh zelin tunah chuan an ram hmun tinah an awm tawh.

Aguililla-a roreltute chuan CJNG hi Los Viagras Cartel nen khaw chhunga thuneitu zawk nih inchuhin an inbei nasa hle niin an sawi.

Thuneitu zawk nih inchuhnaa an inbeihnaah hian puak thei keng drone leh rahpuah bomb-te chu khaw chhung hmun hrang hrangah an kam thin niin Associated Press chuan a tar lang.

Rahpuah bomb an kamte hi thihpui thei a ni tih kar hmasa khan tilangin pahnih puakah an thi a. A puak hmasaah sipai eng emaw zat inhliamin a hnuhnungah lo neitu pakhat a thi.

Rahpuah bomb a puah hnuah hian Mexican sipaite chuan El Mencho chenna in velah an lut ta niin Spanish news agency EFE chuan a tar lang.

Michoacán state-a lawngchawlhna vel hi ruihhlo tawlhtuten an hna an thawhna leh an tawlhna kawng ber a ni.

Drug gang hrangte hi ruihhlo tawlh an kalpuinaah hian hmun inchuhin nasa takin an inbei thin.

Tharum thawhna a tam avang hian chhungkaw tam tak chuan an ram \henawm, US an pan phah thin a ni.

Share now