Indian parliament chuan Nilaini khan boruak duhawm lo tak tawngin mipa pahnih velin an luhchilh a, au chungin boruak rawng nen an kap chhuak bawk.

Thlalak thehdarhah chuan MP leh venhim hna thawktuten dawhkana zuang kai pakhat zawk chu man tumin an um tih a lang.

An pahnih hian venhim hna thawktute hian chelh betin lak sawn nghal an ni.

Indian parliament beih hi kum 22 liam taa beih champha chiaha thleng a ni.

MP-te chuan tlawhtute thutna atangin mipa pahnih hi house laia awlah kal an tum niin an sawi a. Hetianga tih chhan hi hriat a la ni lo.

He thil hi rorelna in hniam zawk, Lok Sabha-a thleng a ni a, rorelna in hnih hi reilo te an chawlh phah hnuah an thukhawm zui leh nghal ve ve.

“Kan chhui zui nghal mek a, Delhi Police pawh min chhuipui turin kan sawm tawh,” tiin Lok Sabha Speaker Om Birla chuan a sawi a. Chhui tawhna chinah chuan meikhu rawng nei an phuh chhuah hi ‘mi tina thei lo’ nia hriat a nih thu a sawi bawk.

Parliament tualah hmeichhia leh mipain thil duh lohna lantira rawng nen thil an phuh chhuah avangin man an ni bawk a. Police-in an hruai lai thlalak a darh bawk.

“Public gallery atanga mi pahnih zuang lutin mei khu an tichhuak a. An pahnih hian venhim hna thawktuten an chelh zui thei,” tiin MP Danish Ali chuan parliament tualah thuthar lakhawmtute a hrilh.

Kum 22 liam taah khan Indian parliament hi mi firfiakten an bei tawh a, mi 14 lai an thi nghe nghe.

Nilainia beihna a thlen leh hma hian President Droupadi Murmu, Prime Minister Narendra Modi leh hruaitu dangten kum 2001-a beihna tawha thite sunna hun an hmang a, thi zingah hian a beitu panga pawh an tel a ni.

Congress party MP Karti Chidambaram chuan thu sawi tuma a intintuah lai takin tibuaitu an lo lang niin a sawi.

“Rang takin mi pakhat hi visitors’ gallery atangin a lo tha thla nawlh a. A laia kal a tum niin ka hria a. Mi pakhat dang a lo lang leh a, canister phawrhin mei khu eng a phuh chhuak zui a ni,” a ti.