Kum 8 Zet chawlh a hman hnuah, Mimi Renthlei chuan rimawi khawvela rawn ‘comeback’ na’n October ni 11, 2016 khian a album pahnihna — RUN REM ANG AW — tih chu Floria Glamour Banquet Hall (Top Floor) ah chuan a release dawn ta. A album hmasa ber thachhangdawltu tur album hi a rial rei vang vang hle. A debut album ‘LUNGLEN’  leh tuna a rimawi hi a danglam hle a. Hei le, Thalai Khawvel hnenah engnge Mimi hian a sawi le... Q1. I debut album i tihchhuah atanga kum 8 hnuah follow-up album i tichhuak dawn chauh a ni si a. Hun a va duh rei ve, engnge a chhan? Album chhang khat tak chu a ni! A chhan tam takah chuan hun leh hmun insiam theih mai loh vangte, hla lawrkhawm harsat vangte, album siamna tur atana nasa taka nupa pawha kan lo inbuatsaih avangte a ni thei ang. Sawi tur a tam. Amaherawhchu, hun eng emaw zat hnuah ka puitlin thei hi ka lawmna ber mai. Q2. I album pahnihna tur title hi "Run Rem Ang Aw" tih a ni a. Hei hi engvangin nge album title atan i hman? "Run Rem Ang Aw" tih hi ka pasal tana ka phuah ve a nia. Q3. I album pahnihna tur hi, rimawi khawvel i mangtha-na tur album a ni thei ang em? Ka hma hun tur hi ka sawi theilo na a, album sual chhuah erawh hautak tiah tiah khawp mai. Tha, ngaihtuahna, hun engkim mai hi... Q4. "Lunglen" album-ah khan hla 14 i dah a, i album pahnihnaah hian hla engzat nge i dah dawn? I hla phuah engzat nge tel dawn? Tun tumah hian hla 13 a awm dawn a, hla hnih ka phuah ve a. Q5. "Lunglen" album-a track te kha hmangaih takte ngaih hla a ni tlangpui a; tun tuma i album hian englam nge a hawi a, a influence? Ka hla dawn leh tha ka tih hi hmangaih te ngaih hla lam chu a la ni ve zel a, biathu kan hrilh deuh zel chu a la ni e. Q6. I album hmasa ber tihchhuah dawnin thawm i nei ring hle a. Tun tumah hian i thawm hi a reh riau — engnge a chhan? Keini chu kan senior ve tawh ani ang e. (hahaha) Q7. I album pahnihna tur hi engtik hun chhung nge i buaipuia (from start to finish)? Ka album hi recording studio ka luhpui atanga ka release theih ni tur tak hi chu thla sarih (7) vel a ni ang. Chumi hmaah chuan demo siam, hla lak khawm leh a dangte tiam lo in. Q8. I pasal hian i album khawr puitlin theihna atan hian eng ang 'input' nge a neih? Kan pa 'input' hi sawi sen a nilo. Pasal demo siampuitu, hla lakhawm tura khaw hla tak tak te zin pui a, buaipui peih pasal ka nei hi ka vannei khawp mai. A tello hian ka puitlin theih pawh ka ringlo. Q9. "Run Rem Ang Aw" album-ah hian eng hla nge i duh ber pakhat sawi la. Lyrical highlights neiin a chhan min lo hrilh? Ka hla te hi mi lunglen hnemtu,mite nun ti hlim tu,anlo in ngaihbel theihna tur khawp tura thiam tak maia hlaphuahthiam ten an phuah a ni a,duh ber thlan tur ka hrelo,mahse hla pakhat Pu Zirsangzela phuah "Sulhnu leh Lunglen" tih hla hi a hlathu hi a tha in a ril ka ti a,a hla thumal te hi a zir in ka zir phawt a,chumi hnuah chuan ka sa thei chauh mai a,"Zotu lawhlei thle nghial kau vuanna,Kiva leng fang rawl ngen,nui hiauva an chaina,chul thum zozam a vul chi chiai e"..a mawi ka ti Q10. Engtin nge i album thara rimawi te hi i zai ngainatute tan a ziarang i sawi dawn le? Ka album a music te hi Mizo sentimental songs chhungah ka dah ve mai a. Ballet, raggae, jazz, country music, etc., lam te a awm ve a. Genre khat vek anilo a, ka experiment ve a; mahse, nasa taka thlak danglam em em kan nei lo. Q11. Thil dang... Ka album hi Purple leh Colney Brothers-ah te ngaihven theih a ni a. Ngaithlatute'n an lo hlimpui a, an lunglen hnemtu te alo nih ve ngei hi ka duhthusam a ni.