Aizawl July 15, 2023 : Inhmun Demand Committee, Vengthar Kolasib te chuan Minister K. Lalrinliana, Kolasib bialtu MLA ni bawkin Inhmun neilo ten inhmun an neih ve theih nan a theihtawp a chhuahpui avangin lawmthu an sawi.

Inhmun Demand Committee chuan Minister hma a lo lak tawhna hrang hrang, Bairabi-a Inhmun neilo te tan inhmun mi 160 chuang tan a theh te, Project veng Kolasib a inhmun neilo te tan Ram tin 7 hmun an theh tur te an hriat hian inhmun leina nei zo ve lo te an lawm tih an sawi a, Kolasib-ah hian inhmun neilo chhungkaw 1000 tel kan awm avang hian Project Veng Kolasib a inhmun Bialtu MLA hmalakna a theh turah erawh an leng dawn lo tih an sawi lang tel.

Inhmun ngiattu pawl chuan, "Inhmun neilo ten inhmun kan neih ve theihna tura KVK Kolasib in ram ruak kum 40 chuang an enkawl tawh loh, an dah mai mai hi Inhmun neilo te hian chenna atan kan duh thu bialtu MLA hnenah vawi duailo kan lo thlen tawh , anin hma min lakpui ta hi keini mirethei inhmun leina neizo lo te hi kan lawm em em, Bialtu MLA zarah inhmun kan neih ve theih ngei pawh kan ring a ni," an ti.

Inhmun nei zolo ten inhmun an neih ve theihna tur dodal zawnga mithenkhat ten chet an la chu hriatthiam harsa an ti hle a, eng pawl emaw Party ang zawng emaw a inhmun an neih ve theihna dodal zawnga hma la lo turin inhmun neilo te hian ngen bawk a ni.