June 16, 2023; Nizan dar 6 bawr vel khan Saitual bul a lirthei chesual a hliam tuar chu minister R. Lalzirliana leh Dr. ZR. Thiamsanga MLA ten bawihsawmin, a tul anga hma an lak hnuah hliam tuar hi Aizawl lamah hruai a ni.

Chief Minister Zoramthanga'n instagram a a tarlan danin, nizan dar 6 vel khan Saitual atanga km vela hla ah bike leh scorpio an intipalh a, chuta hliam tuar pakhat chu miniser R. Lalzirliana leh Dr. ZR. Thiamsanga MLA te official tour haw lam nen an in tawng a, an theih ang anga bawihsawmin first aid te an pe nghal a ni.

Hliam tuar hi first aid an pek zawhah Saitual police leh medical officer te biaksakin, police, doctor leh nurse te pawh chetsualna hmunah hian kalin hliam tuar hi an buaipui zui a, Saitual atanga Ambulance kohsak an nih hnuah, investigation tulte tia inenkawlna tha zawk dawng turin hliam tuar hi Aizawl lamah phur thlak zui a ni.

CM chuan vanduaina tawk a hliam tuar chu Pathian zarah a dam leh thuai a duhsak thu leh police leh medical team te, minister leh MLA ten tlawmngai a an buaipuina chu chhuanawm a tih thu a tarlang.