February 11, 2023; February 6, 2024 (Thawhlehni) tlai dar 5:30 vel khan Sesawng Branch YMA hruaitute chuan ram vak, chesual an awm thu an dawng a. Hliam tuar zawn haw ngai an awm thu chu aurinna hmanga inhriattirin, thalai tlawmngai mi 50 chuang thawkchhuakin zanriah eikhamah chetsualna

hmun an pan nghal a. Lalthakima (Laltea), Bawngkawn, Aizawla mi chu zawn haw a ni.

Hliam tuar buaipui tur hian Bazar atangin pikup pahnih hmangin an chhuak a, lirthei kal theih

tawpna atangin chetsualna hmun Minpui lui kawr lam an pan a, hlang siam niin a thenin kawng an lo sial bawk a. Zanlai pelhah Sesawng Bazar thlenpui a ni.

Sesawng bazarah VCP C. Lalremruata kaihhruaina hnuaiah hun hman a ni a, chetsualna thlen dan te tarlan niin, Bawngkawn

Branch leh Sesawng Branch hruaituten thu an sawi.

Lalthakima te hi an thianho mi pathum niin, ramvak turin Sesawng ramah hian an chuangchhuak a, buk te an sak zawh hnua a tuichawi tur chetvelnaah Lalthakima hi tlusual palhin a khup dinglam na takin a sawh a, buaipui a ngai zui ta a ni.

Bawngkawn Branch YMA hruaitute chuan Sesawng khawtlangin an lo buaipuinaah

lawmthu an sawi a, anni tan engtikawng maha chetsualna hmun atanga inlakchhuah ngaihna a awmloh thu sawiin, Sesawng mipuite tlawmngaihna leh inpekna chu chhuanawm an tih takzet thu an sawi.

Sesawng Branch YMA President Lalramchuana Ralte chuan chanchin an hriatdan leh hma lak chhoh a nih dan te a sawi a, tlawmngaia thawkchhuak Sesawng Branch YMA member-te leh Field Veng Branch YMA member-te chungah leh bialtu MLA-in a tul apianga hman atan Rs

2,000/- a pek avangin lawmthu a sawi.