June 21, 2023; Vawiin khan chief minister Zoramthanga chu health check-up nei turin Ebenezer Medical Centre, Aizawl ah kalin, mipui inentir tur zingah intlarin, midang angin a hun a nghak ve mai nia thudawn a ni.

ZALEN in a hriat danin CM hian MRI a ti a, hemi chungchangah hian Radiology department, Ebenezer thawktute pawhin an instagram account ah thu post in, 'VIP portal kaltlang lo a pangngai taka booking a rawn siam thlap hi a entawn tlak takzet a ni' an ti.

A chhiartu leh a hmutu rilru puthmang atangin CM chetphung hi fak hluai tur emaw, thil pangngai thleng ve ang maiah a hmuh/hriat theih ang. Engpawhnise, ram khat hruaitu ber leh hotupa berin, hetianga VIP a nihna dahtha a, mipui mimir zinga a hun nghak a a intlar hi Mizo nihna zawnah entawntlak leh hmuhnawm a tling.