January 10, 2023; January 11, 2023 (Nilaini) hi Rev. JH. Lorrain (Pu Buanga) leh Rev. FW. Savidge (Sap Upa) te Mizoram an rawn thlen ni, 'Missionary Day' a ni a. Mizoram Baptist kohhran te chuan kumin missionary day thupui atan 'Chanchin Tha hi hril rawh u' (Marka 16:5) tih an hmang a, kohhran tam takah ruai nen an lawm dawn.

He Ni hi ram pumah hman a nih theih nan Mizoram sawrkar chuan sawrkar chawlh (state holiday) atan a hmang thin a, kohhran hrang hrang ten awmni khamin ruai nen hun an hmang thin a ni. 

Mizoram Baptist kohhran chuan he Ni hi urhsun takin a hmang thin a. Kuminah pawh kohhran tam zawkin ruai theh-in chanchin tha min pek avanga pathian hnena lawmthu sawina inkhawm leh zaikhawm programme duangin ruai thehin hun an hmang leh dawn a ni.

Missionary Day hi Zofaten chanchin tha kan dawn avang leh chanchin tha avanga Zofaten chhandamna leh malsawmna kan dawn te hre thar chunga, Pathian hnena lawmthusawi na hun atan hmang turin BCM headquarters chuan kohhran hote a chah a ni.