ZALEN May 16, 2025; Tipper Association ten Mizo mipuite state pawn lam mite thurualpui tawh lo turin an ngen.

Tipper enkawltu pawl pathum - Mizoram Tipper Association (Drivers & Owners) Gen. Hqrs. All Commercial Tipper Association Owners and Driver leh Mizoram Tipper Association (Drivers & Owners) District Headquarter Kolasib chuan nimin 16.5.25 khan Bawngkawn Sairang road-a Mizoram Tipper Association Gen. Hqrs Office-ah Joint Meeting an nei a.

Ngun taka an ngaihtuah hnuah Mizoram khua leh tui dik tak nihna nei lo driver leh owner-te chu member atan lak luh loh ni se, an ti a. Hetiang mi an member te chu an member atangin an paih nghal a ni. Tipper enkawltu pawl pathum hian Mizo lirthei hmanga eizawngte pawhin Vai driver an chhawr a nih chuan member an ni thei dawn lo tih an sawi a, state pawn lam miin Mizo hming hawh a motor registration an tih chu an remti lo a, Mizo mipuite chu state pawn lam mite thurualpui tawh lo turin an ngen a ni.

#ZalenNews