ZALEN April 16, 2025; Mizo thalaite zingah British Army a tan tum mi engemawzah an awm a, chung mite chu Mizoram Youth Commission in a buaipui mek.

MYC chairman Malsawmzuala Ralte in vawiina thuthar thehdarhtute a kawmna-ah he thu hi tarlangin, British Army a tan tum mi 247 te dilna chu hlawhtling takin MYC in a thehluh sak niin a sawi.

MYC chairman chuan heng mi 247 te atang hian tun dinhmunah Visa hmu fel a, UK a assessment ti tura thleng thla tawh mi 5 an awm thu sawi bawkin, May ni 1, 2025 ah a tul ang ang te an test dawn niin a sawi.

Heng bakah hian Visa result nghak mek mi 4 an awm mek thu te, official invitation letter nghak, chumi hnua Visa dil ve mai tur mi 2 an awm mek thu leh midang 200 chuang te pawh a intahtawlin an rawn biak chhoh zel beisei a nih thu a sawi bawk.

#ZalenNews