ZALEN February 1, 2025 : Mizoram-a Catholic Kohhran lo luh Kum 100-na, Centenary chu Christ the King Cathedral, Kulikawn ah vawiin khan hawnna neih a ni a, Centenary Dar vawi 100 vuak a ni a. Jubilee Kawngkapui hawnna, Jubilee Logo tlangzarhna leh Jubilee Bati chhitna hun Most. Rev. Stephen Rotluanga, Aizawl Bishop chuan hmangin Centenary Hlapui rem a ni bawk. Mass Thianghlim inthawina nen he hun hi khar a ni. Centenary thupui atan hian ‘Catholic rinna nunpui la, puang chhuak rawh’ tih hman a ni.

Centenary pual hian Isuan a zirtirte Tawngtaina a zirtirna hmun ni a sawi, Jerusalem a Peter Noster Church ah 5th December 5, 2024 khan khawvel tawng hrang hrang 150 chuang intar zingah, Mizo tawngin Lalpa Tawngtaina tar a lo ni tawh bawk a ni. Centenary lawmna hi kawng hrang hrangin kumin chhung hian hman chhunzawm a ni ang.

Centenary lawmna hi kawng hrang hrangin kumin 2025 chhung hian hman chhunzawm zel ani ang. Kum tawp ah a kharna hun St. Lawrence Church, Ramthar veng ah neih tura ruahman a ni.

Mizorama Catholic Kohhran hi February ni 1, 1925-ah mi panga- Lianchheua, Thangphunga, Lênga, Chalchhuna leh Lalbâna, Tlângnuam mi vek ten an din a. Heng mite hian Catholic Kohhran chanchin an chhiar atanga Catholic rinna vuan ta an ni.

Kum 1927 February thlaah Biak hmasa ber sa zovin Christ the King Church, Kulikawn tih a lo ni ta a ni. Kum 1947 atangin Puithiamte pawh Mizoram ah an thu nghet ta bawk. Kum 1996 atangin Aizawlah Bishop in a thut chilh a, Diocese of Aizawl tih a ni ta a ni.

Catholic Kohhran hian Mizoram ah zirna, khawtlang nun leh hmasawnna kawng hrang hrangah hma a la thin a, Catholic Kohhran hian kum 2025 hian kum za a tling ta a ni.