Aizawl September 2, 2022: Chief Minister Zoramthanga chu vawiin khan a pisaah Mizoram Police hotulu te nen an inkawm a. Hnathawh that avanga World Book of Records ah an lang chu a lawmpuina a hlan

Mizoram Police hi 'World Book of Records' Gold Edition pahnihah telh an ni a. Ni 24.6.2022 a ruihhlo halral runpuia ruihhlo kg 930.229, halral kha vawikhata ruihhlo tihralna lian ber a ni a, khami tuma an ruihhlo halral kha International Market rate-a Rs 23,62,09,40,245/- (Vaibelchhe sang hnih zathum sawmruk pahnih, nuai kua, sing li, zahnih sawm li panga) zet a tling. Hei bakah hian nungcha tawlh ruk manna lian tham ber, nungcha 468 zet manna avang te khan "World Book of Records 2022 Gold Editions" - ah Mizoram Police hming hi a lang a ni.

Chief Minister hi DGP Devesh Chandra Srivastava leh a thawhpui John Neihlaia, IGP (Hqrs.), Veenu Bansal, IGP (Intelligence) leh DIG pangate'n an tel bawk a ni.