Aizawl February 13, 2024 : Vawiin tlai khan Mizoram-a damdawi zuartu pawl, Mizoram Chemist and Druggist Association (MCDA) te chuan Manipur tualchhung buaina avanga raltlante chhawmdawlnan Central YMA-ah Rs.2,12,160/- an hlan. Thilpek hi Central YMA aiawhin Lalhmachhuana, President in a dawng a, OB dangte an tel bawk.

MCDA lam atangin an President Lalhruailiana Sailo leh hruaitu dangte an tel a, MCDA President chuan, “Manipura kan unau ten harsatna nasa tak an tawh hi kan theih anga puih ve kan duh a, a hma lamah pawh kan lo pui ve tawh a. Tun tumah hian kan member te thawhkhawm atangin tanpuina tur kan hlan pe leh thei hi a lawmawm kan ti a, tangkai taka an hman kan beisei” a ti.

CYMA President Lalhmachhuana chuan MCDA-in Manipur a zohnahthlak harsatna chhawmdawlna tura tanpuina an hlan chu lawmawm a ti a. Manipur raltlante chauh lo pawh tualchhunga damdawi mamawh hrang hrangte an lo puih tawh thin thu leh Home leh Centre hrang hrangte tan pawh nasa taka tha an lo thawh tawhnaah lawmthu a sawi bawk.