December 27, 2022; Khawvel hmun hrang hrang Covid hrik thar BF.7 in a run thar mek laiin India ram dinhmun chu a la ziaawm hle a; Mizoramah pawh he virus thar hi la  lut lovin ni 15 chhung zet chu COVID-19 kai thar hmuhchhuah an awm lo a ni.

COVID-19 hrik chhuaktharin Mizoram a lo luh huna lo hmachhawn dan tur ngaihtuahin vawiin chhun dar 12 khan Health & Family Welfare Department Principal Secretary Esther Lalruatkimi hovin Health & Family Welfare Department Officers’ Meeting  neih a ni a; he Meeting-ah hian a tul anga hmalak dan tur hrang hrangte duan a ni.

1. Khawvel hmun hrang hrang Covid hrik thar BF.7 in a run thar mek lain India ram dinhmun chu a la ziaawm hle a; Mizoramah pawh he virus thar hi la  lut lovin ni 15 chhung zet chu COVID-19 kai thar hmuhchhuah an awm ta lo a ni. Heti hi nimahsela englai pawha he natna hrik hi lo lut their eng a nih avangin COVID-19 Test chu a tul anga nasa zawk pawha kalpui a nih theih nan district tina damdawiin te chu hritlang satliah anga lang thlengin lo enfiah thin nise. 

2. Meeting-ah hian  Covid test-na hmanrua kan neih dan dinhmun pawh a that rih thu sawilan a ni.

3. Sawrkar Laipui  duh danin COVID-19 kai hmuh chhuah tharte chu eng hrik ber nge a nih hre tura Whole Genome Sequencing (test) neih thin tur a ni a; hemi test hi  Zoram Medical College VRDL –ah tih theih tawh niin a BF.7 hmuh chhuahna atan bika bawlhlo (reagent) pawh National Institute of Virology (NIV), Pune atangin a lo thlen thuai beisei  a ni.

4. India rama International Airport hrang hrangah khualzin lo lut za a pahnih (2%) chauhvin  COVID-19 BF.7 test an paltlang avangin ram dang atanga Mizorama zin hawte chu COVID-19 symptom an neih chuan mahni mawhphurhnaa ngaiin COVID Test theihna hnai berah in hriattir leh in test tura beisei leh ngen an ni.

5. COVID-19 dinhmun a eng zawnga kan thlir mek laiin kan dinhmun a lo that zel nan leh tul lova buaina pumpelh turin mitinte – mask vuah that, midang nena inchiahpiah loh leh kut tihfai that kawnga  hma la thar turin Department mi pawimawh thukhawm chuan zoram mipuite a ngen thar leh a  ni.