DOWNLOAD OUR APP

Read latest news on your phone
app-store

Mizoramah ration card 2,82,842 awm; Aadhar nen a thlunzawm lo ten ration dawng tawh lo

Jan 24, 2023

Mizoramah ration card 2,82,843 awm mekin, chunga hming chuang zat (benficiary) chu 11,56,329 an tling. Hetihlai hian ration card leh aadhar card thlunzawm (link) lote tan ration buhfai etc.-ah quota siamsak an ni tawh lo.

Aizawl: Mizoramah ration card 2,82,843 awm mekin, chunga hming chuang zat (benficiary) chu 11,56,329 an tling. Hetihlai hian ration card leh aadhar card thlunzawm (link) lote tan ration buhfai etc.-ah quota siamsak an ni tawh lo.

Food Civil Supply & Consumer Affairs (FCS&CA) hotute hnen atanga ZALEN thudawn danin, Mizorama ration card awm zawng zawng zinga 25,511 chu National Food Security Act (NFSA) hnuai a AAY niin beneficiary 63,763 an awm a. PHH-ah card 1,42,702 awmin beneficiary 6,09,125 an awm a. Non-NFSA hnuaiah card 1,14,630 awmin, beneficiary 4,83,441 an awm.

FCS&CA hotute sawi danin ration card leh aadhaar link lote tan buhfai etc.-a quota awm thin chu central sawrkar thupek angin an quota tihtawp a ni tawh a, hei vang hian ration card beneficiary pawh a tlahniam.

Hei hi central sawrkarin India khua leh tui dik tak, ration card neiten ram chhung khawi hmunah pawh an ration quota an lak theihna tur, ‘National Portability of NFSA Card Holders under One Nation One Card’ a duan hlawhtlinna tur a ni.

The Mizoram Food Security Rules, 2015, Rule 9(7)-in a tar lan angin Targeted Public Distribution System (TPDS) hnuaia beneficiary-te tan ration card nei turin aadhaar neih a ngai a. Ration Card Management System (RCMS)-ah aadhaar tel loin ration card a pek chhuah theih loh avangin FCS&CA chuan kawng hrang hrangin mipuite hnenah ration card leh aadhaar thlunzawm a tul thu hriattirna a lo chhuah tawh thin a ni.

Ration card : MIZORAM
District           Online    AAY        PHH         Non-NFSA
Aizawl            316        7,208       49,224      46,769
Champhai      194        3,534       17,118      10,588
Kolasib           76          2,326       10,924      9,386
Lawngtlai       139        2,897       12,118      9,847
Lunglei           221        3,671       25,156     16,300
Mamit            108        1,878       11,211      7,101
Siaha             103         2,043       6,572        7,656
Serchhip        101        1,954       10,379       6,983
TOTAL            1,258      25,511    1,42,702    1,14,630
(*online/retailer) 

Share now