ZALEN April 2, 2025; Social media (zualko facebook group) a alan danin, kumin chhungin ṭhalai (kum 12-45) boral an tam.

Zualko FB group (member 48,000 chuang awmna) a zualko thu post hian Mizoram pumpui a huam zo kher lo ang a, hetihlai hian he FB group a zualko chungchang post thin atang hian Mizoram dinhmun engemawchen a rin thiam theih tura ngaih a ni.

ZALEN in he group a zualko thu post a zirchian danin, kumin chhunga zualko thu post tam ber za a 70 vel zet chu ṭhalai kum 12-45 inkar boral thu a ni a, ṭhalaiah pawh hmeichhia aiin mipa an tam zawk a, hmun thum a thena hmun hnih aia tam mah an tling.

Hetihlai Zualko tarlan-ah thihna chhan tarlan loh a tam thin avangin an thih chhan natna erawh chiang taka hriat vek theih a ni lo a. Thalai thenkhat boral chhan tarlan hmuh theih chinah chuan accident, lungphuchawl a boral engawzah an awm.