December 28, 2022; Excise & Narcotics Department (END) in kumin chhungin tualchhung siam Zu (Distilled Country Liquor) litre 70,434.390 an man tawh a, Zu bilhlai (Fermented Rice) tin 1,21,430 an man tawh bawk. 

END tarlan danin, kumin 2022 chhungin, Heroin kg 26.760 man an nei tawh a, Ganja kg 147.78, Methamphetamine kg 113.12 bakah Pseudoephedrine kg 29.53 man an nei tawh bawk.

Zu chhiah atanga hmuh tawh zawng zawng chu Rs. 215,99,809 niin, chungte chu Foreign Liquor & Spirit atanga hmuh Rs. 163,94,794, Fines & Confiscation atanga hmuh Rs. 43,81,400 leh Other receipt atanga hmuh Rs. 8,23,615 te a ni.

Mizoram chhung a hman, Zu khapna Dan, The Mizoram Liquor (Prohibition) Act, 2019 hnuaiah, Thil tuiril reng reng, alcohol telna chu zu a ni a, hemi vang hian zu kawl, neih, siam, zawrh, hralh, in, etc. te chu khap a ni.