June 22, 2023; MNF General Headquarters hnuaia frontal hrang hrangte chuan ram tana an rawngbawl pui party dangte’n an chhungkua ah buaina nasa tak an tawh mek laia Pathian hruaina changa MNF in buaina tawk lova lungrual taka ke an pen tlang chu lawmawm an ti.

Mizo National Youth Front (MNYF) bultumin vawiin khan Mizo Hnam Run a MNF Thalai Headquarters pisa ah MNF General Headquarters hnuaia frontal hrang hrang  MNYF, Ex- Mizo National Army, Mizo National Senior Front leh Mizo National Women Front  te chuan inkawmhona an nei, he hun hi MNF Thalai President Dr L.Thangmawia MLA  chuan a kaihruai a ni. 

Resolution an passed te :

1.  Chief Minister Pu Zoramthanga kaihhruai Mizoram sawrkarin sum harsatna namenlo kara ram hmasawnna leh himna tura hma a lakna hi lawmawm kan ti.

2.  Kum 2023 Mizoram inthlanpui lo awm turah MNF in sawrkarna a chan leh ngei theihnan lungrual taka Pathian rawn chunga hmalak ho zel nise kan ti.

3.  Myanmar, Bangladesh leh Manipur tualchhung buaina avanga sahimna zawnga kan unau Mizoram a rawn tlanlut te Mizoram sawrkar leh Zoram mipui ten kan lo tuamhlawm zel hi lawmawm kan ti a, kan unaute tana huaisen taka khawvel hriat a ding ngam Chief Minister Pu Zoramthanga kan chhuang tak zet a, Kan unaute buaina leh harsatna ah chhawmdawl zel turin a tawp thlengin kan ding reng dawn a ni. 

4.  UPSC Preliminary exam result chhuakah Mizoram atanga mi 12 inziaktling an awm hi lawmawm kan ti a. Thalaite hmasawnna tura kawng hrang hranga Mizoram sawrkar hmalakna hian rah duhawm tak a chhuahzel kan beisei a ni.

5. Ram tana kan rawngbawl pui Political Party dangte’n an chhungkua ah buaina nasa tak an tawh mek laia Pathian hruaina changa MNF in buaina tawk lova lungrual taka ke kan pen tlang zel hi lawmawm kan ti.