ZALEN July 2, 2024; MNF bul tantute zinga mi leh an hotu hmasa Isaac Zoliana, (87) H/o Dengzikpuii, Mission Veng chu nimin, July ni 25, 2024, tlai dar 5 khan a boral.

Isaac Zoliana hi MNF party-ah Assistant Secretary hmasa ber a ni a. Laldenga hova MNF din (October ni 22, 1961) a nih hnua Mizo National Front, General Headquarters General Assembly hmasa ber April ni 1-4, 1962-a neihah April ni 4, 1962 khan MNF Gen. Hqrs. Office Bearers' Assistant Secretary hmasa ber atan Secret Ballot hmanga thlan tlin a ni.

"MNF din chhan leh tum hrang hrang a hlawhtlin theihna tura bul tantu leh theihtawp chhuahtu, MNF mi pawimawh tak mai Isaac Zoliana'n van kohna min chhansan ta mai hi pawi kan tiin, kan sûn takmeuh a ni," tiin MNF president Zoramthanga chuan a instagram page ah a tarlang.

"MNF bul ṭantu leh a khawvel hun tawp thlenga MNF mi hlû Pu Isaac Zoliana sulhnu ropui takte kan theihnghilh leh tawh lovang. A kalsan tak a nupui Pi Dengzikpuii leh a tu leh fate, amah uitu zawng zawng Pathian thlamuanna leh awmpuina kan dil sak e," tiin a tarlang bawk.

Isac Zoliana ruang nizan khan tlaivar pui niin, vawiin chhun dar 12 ah Mission Veng Kohhran Sunday School Hall ah vui a ni ang.