DOWNLOAD OUR APP

Read latest news on your phone
app-store
MNF party hian politics khelhna atan chauh Mizo Nationalism an hmang thin - ZPM Thalai Vice President
Sep 18, 2023

ZALEN September 18, 2023 : ZPM Thalai Vice President Zoramchhana Sailo chuan MNF party chu politics khelhna atan chauha Mizo Nationalism hmang thin-ah a puh a, hnam sipai te dinchhuahna tur khawp hmalakna nei lo, tiin an term zawh hma ngeiin hnam sipai leh an chhungte tan special scheme siamsak turin a phut.

Vawiin18.9.2023 hian ZPM Thalai Headquarters Executive Committee Meeting chu ZPM Thalai Headquarters Office-ah neih a ni a, ZPM Vice President chuan India hnam puanzar hnuaia tlawmna thu ziaktu MNF party hian Mizo Nationalism chungchângah sawi theih engmah an neih tawh lo niin a sawi.

Zoramchhana Sailo chuan, "Thangthar mi thiam te rawn chhuak zelin, MNF party hian politics khelhna atan chauh nationalism an duh tih hi a taka hai lana a awm zel. Tun hnaia MNYF Vice President-in MNF chu Mizo nationalism vawng rengtu an nih thu a sawi pawh khan thang thar mithiamte nuih a tiza a, lu chhum ban chhum huama a taka zalenna sualtu la dam te thinlung a ti na a, MNF party chu zalenna sual tak tak-tute phatsantu a ni," tiin, MNF party chu Mizo Nationalism hmanga infiam tawh lo turin a chah.

ZPM Thalai Vice President chuan, "Hnam sipaite leh an chhûngte din chhuahna tur khawp MNF sawrkâr hian hmalâkna engmah a la nei lo. An intiam ang ngeiin an sawrkârna term tlak hma hun tlemte an neih chhung hian hnam sipai leh an chhûngte tân special scheme siam turin ka phut a ni," a ti bawk.

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh