February 12, 2024; Tukin zing khan Car (Venue) MZ04 A 9009 chu Keifang thlen hma km 12 vel ah chesualin, a khalhtu Zaithanchhunga (37) s/o C. Lalnunzira a boral.

Tukin zing dar 4 bawr khan Champhai atangin C. Lalnunzira monu RK Lalrintluangi Aizawl a Training thlah tura chhuak chu Keifang daiah an chesual a. Motor hi kawngpui atanga metre 200 bawr vel lumin an chetsualna hmun atang hian Vanhmingthangi hi kawngpui vak thlengin heta tang hian an chetsual thu hi hriat a ni ta a ni. Keifang daia an chetsual hun an hriat hi zing dar 7:30 bawr nia thudawn a ni.

Motor-ah hian mi pali (mipa 2 leh hmeichhe 2)

1) Zaithanchhunga (Driver)

2) Malsawmtluanga ( 10) s/o Zaithanchhunga

3) RK Lalrintluangi w/o Vanlalhruaia

4) Vanhmingthangi d/o  Hrangbuanga an chuang a.

An pali hian Aizawl Civil Hospital panpuiin admit nghak vek an ni a. Motor khalhtu Zaithanchhunga chuan a hliam tuarlo in vawiin (12.2.2024) tlai dar 3 khan a boral. He thu buatsaih lai (9:00 pm) hian RK Lalrintluangi hi ICU ah dah luh a ni.

Zaithanchhunga ruang hi Champhai lam panpui niin, naktuk (13.2.2024) ah Vengthlang North thlanmualah vuiliam a ni ang.