February 12, 2024: PC Party Vice President Lalthuamliana chuan MP inthlan lo awm tura PC Party in candidate tha a neih dawn thu a sawi.

Vawiin chawhma dar 11-a PC Party meeting-ah party Action Plan sawifiah paha thu sawiin Thuama chuan, "Kumina MP inthlanah hian candidate tha, MP thiltih theih te ti tak tak a, hun kal zelah pawh MP kan neih te'n role model-a an hman tur candidate tha kan nei dawn a ni," a ti a. Tunah chuan kan party hian MP inthlan hi hna puiah kan neih tur a ni, tiin, "Phur taka vote thlak turin kan party mite lo inbuatsaih rawh u," a ti a ni.

Vawiin meeting hian party Golden Jubilee lawm tura inbuatsaihna thlir hovin office building sak lai leh hmalakna kallai hrang hrang chak zawka kalpui dan tur a rel a ni.