June 20, 2023; MPCC City Workers Meet vawiin a Vanapa Hall a hman-ah mithar 700 chuang lawmluhna hun hman a ni a, hetihlai hian he hun pawimawh takah hian Congress Legislature Party (CLP) Leader Zodintluanga a tello nia thudawn a ni.

Media hrang hrang a tarlan a nih tawh angin, CLP Leader Zodintluanga, Thorang Bialtu MLA hian tunhnai khan MPCC president Lalsawta hnenah MPCC treasurer atanga banna a lo thehlut tawh a, congress erawh a chhuahsan lo.

A banna thehluh hi pawm ni tawhin, a aiawh turin MPYCC president nilai Dr. Lalmalsawma Nghaka chu ruat a lo ni tawh bawk.

Vawiin hun hmanna a CLP leader tel lohna chhan hi Delhi lam a a zin lai nia hriat a ni a, CLP leader hi tunhnai ah MPCC programme ah lang tam lo mahse, a bial chhung leh hmun dang dangah congress party tan erawh a fehchhuak reng nia hriat a ni.