Aizawl October 10, 2024 : Vawiin khan DHS Old building, Dinthar, Aizawl ah Mpox leh natna chhuak thar te mipui ten an report theihna tur, Community-Based Surveillance System (CBS) tlangzarhna hun hman a ni a, he hun hi Sangchhin Chinzah, Secretary, H&FW chuan khuallian niin a hmanpui.

Community-Based Surveillance System (CBS) in a tum chu mipui vantlangin awlsam taka hrileng report leh natna hrileng rang taka zawnchhuah a ni. CBS hi mipui vantlang hriselna kawnga hmasawnna pe tura Central sawrkar-in kalphung thar a duan a ni a, rahbi thar anih angin hman a awlsam a, sum sen a ngai lova, a hmangtute tan a him bawk a, mi zawng zawng hman theih tura duan a ni bawk.

He system thar hmang hian Khua/Veng kilkhawr ber thlengin hrileng an hriat zung zung theih mai bakah kawng hrang hranga hmalak a awlsam phah na tura duan a ni. Mipuiin hriselna kawngah an dawn tur rang takin kawng hrang hrangah an dawn theih phah theihna tura ruahman a ni.

WHO chuan August 14, 2024 khan Public Health Emergency of International concern (PHEIC) ah “Mpox” chu a puang a, Ram hrang hrangin ralkhêl dar an khawng mek a ni. Tuna Community-Based Surveillance System hmang hian he natna ni a rinhlelh te pawh hi report nghal tur a ni. Report hi a kawm a Link hmang hian pek tur a ni a, Mi tu pawhin report an pek theihna turin Link hi thehdarh tura ruahman a ni bawk.