Mumbai khawpuia mihring chenna in chhawng 20-a sang kangah mi paruk vel an thi.

Tardeo venga Gowalia Tank-a mi, Gandhi Hospital ep chiaha awm Kamla building hi chhawng 18-na atangin zing dar 7:00 velah a kang tan a, mi 23-in hliam an tuar bawk.

Thlalak thehdarhah chuan van lamah meikhu dum tak a chho nasa hle a, thelh mih erawh a ni zui nghal.

Prime Minister Narendra Modi chuan thi chhungte chu Rs. Nuai 2 theuhva ral an nih tur thu a sawi a. Hliam tuarte pawh Rs. 50,000 theuhva kan an ni dawn tih a sawi tih Prime Minister's Office chuan a puang.

Maharashtra Deputy Chief Minister Ajit Pawar chuan chhiatna thleng hi chhui a nih tur thu a awi a, ‘Guardian minister of Mumbai Suburban Aaditya Thackeray leh Mumbai City Guardian Minister Aslam Shaikh ten an en dawn,” a ti.

Aaditya Thackeray hian chawhnu lamah tlawh nghalin thite chu sorkarin Rs. Nuai 5 theuhva a ral tur thu a puang.

Mumbai Mayor Kishori Pednekar chuan news agency ANI hnenah upa paruk chuan oxygen an mamawh thu leh damdawi ina lak an nih thu a sawi a. “Mei hi thelh tawh ni mah se meikhu a la nasa hle a, mi dang zawng chu chhan chhuah vek an ni,” a ti.