ZALEN, May 13, 2025: Myanmar atanga tlanchhiaa Mizorama lut, khawtlang tana hnawksak zawnga che nia hriat mi pasarihte chu Myanmar-a mipui sipai kutah hlan an ni.

ZALEN thudawn danin Pathianni hmasa zan khan Dinthar Veng, Champhaiah raltlan nia hriat, Bawineisuma (Lalneihchhunga) chu, "Mipui sipai ka ni," tiin chem nen khawlaiah a inhrosa a, pawi khawih thei nia an hriat avangin Dinthar YMA-in an man.

YMA hruaitute chuan Lalneihchhunga hian sipai uniform pawh a ha fo niin an sawi a, an man hnu hian police hnenah an hlan a, anni hian Myanmar-a mipui sipai hnenah an hlan.

New Champhaiah mi tuikhuah thlama raltlan nia hriat mi paruk zu inte pawh YMA-in an man bawk a, police kutah an hlan.

An mi mante hi Vanlalrinchhana, Bawihliana, Siangthachhung, KD Liana, Vanbawiha leh Sangbawihthang te an ni a, "CNA sipai chawlh la kan ni," an ti niin YMA chuan ZALEN an hrilh.

Champhai Sub-YMA hruaitu, Raltlan Sub-committee, Dinthar leh Vengthlang Branch hruaituten an man a, police hnena an hlan hnuah police hian Myamnar mipui sipaite kutah an hlan a ni.