Myanmar sipai hotu lu Min Aung Hlaing chuan tunkar hian Russia a tlawh dawn a, official te nen inbiakna an nei ang. Myanmar leh Russia te hi inthian tha tak an ni a, economy-a ram pahnih thawhdunna tur chungchang an sawi rin a ni.  

Senior General Min Aung Hlaing hi Eastern Economic Forum chhim turin a kal dawn tih Myanmar newspaper pakhat chuan a tarlang a, Russia official te nen inbiakna an nei nghal dawn a ni. President Vladimir Putin nen hmaichhanah inbiakna an nei dawn em tih erawh tarlan a ni lo. 

Eastern Economic Forum hi Russia khawchak lam Vladivostok-ah nghah a ni dawn a, China, India, Japan leh Kazakhstan te chuan palai an tir dawn a, ram dang atang pawhin tel tur an la awm belh dawn bawk. 

He tih lai hian Min Aung Hlaing hi Association of Southeast Asian Nations (ASEAN) ram hruaitute intawh khawmna summit-ah a tel dawn lo thung. Sawm a nih loh chhan hi an rama sipai chetna a tihtawp duh loh vang nia tarlan a ni. Summit hi Phnom Penh, Cambodia-ah November khian neih a ni ang. 

Min Aung Hlaing hian July thla khan Russia hi a lo tlawh tawh bawk a, Russia space agency Roscosmos leh nuclear agency aiawhte a kawm a, a thachangdawltu Soe Win pawhin thla liam ta khan Russia hi a lo tlawh tawh bawk a ni.