ZALEN April 20, 2025 : Mizoram Youth Commssion chuan Union Public Service Commission lam aiin Mizoram Public Service Commission lama thalaite hna hmuh theihna turin in sawrbing an tum.

Mizoram Youth Commssion chairman Malsawmzuala Ralte chuan tun hnia chanchinbumite a kawmnaah he thu hi sawiin, "Sawrkar hmasa in Mizo thalaite IAS tlin tir a tumna 'super IAS' ah khan sum a hek a, kum 3/4 vel chhung khan nuai 50 vel an seng hman a. Kan sum sen nena ngaihtuahin MPSC lama in sawrbing zawk hi tha in kan hria a, Mizo thalai UPSC prelims exam-a a tling an awm chuan mains atana an inbuatsaihna senso tul ang angte tum sak kan tum tawh zawk a ni," a ti.

Tun hnai hun engemaw chen atanga Mizo thalaite UPSC an tlin loh chhan nia a hriat zawhna chhangin MYC chairman chuan, "Chhan chi hrang hrang a awm thei ang a, chung zingah chuan officer tam tak hian Mizorama awm ngheh an duh a.

Hei bakah hian UPSC exam a tling tura bei hram hram an tlem tak bakah tun hmaa tribal te kan luhna thin tribal qouta-ah khan tun hnaia Gujarat state-a hnam pakhat Meena hnam puan an nih takah chuan anni hi hnam changkang sa an ni a, hei hi hnam hnuiahnung dang ten kan ngam ta lo ni berin ka hria," a ti bawk.