ZALEN April 17, 2025 : MZP hruaitute chuan Mizoram chhung zirna kaihhnawih thil hrang hrang leh zirtirtu siksawi mek chungchang sawipuiin vawiin khan Education Minister an hmu a, zirtirtu siksawi mek dan tha an tih thu an hrilh.

MZP General Headquarters hruaitute chuan, zirlai mil a zirtirtu siksawi mek an ni chu tha an ti a, zirlai tlem deuhna hmuna zirtirtu indaih vanga lakchhuah leh indaih lohna a dah belh chu tha an tih thu sawiin, zirtirtu sawn chhuah leh siksawi mek te pawh a hmun nuam leh tha Aizawl District-a awm reng beisei lo turin MZP chuan an ngen a ni.

MZP Headquarters, Kolasib,Hnahthial, Champhai leh Mamit te'n a an buaina an thlen te pawh bawhzuiin Minister hi sawipui a ni a, zirtirtu indaih lohna zirna in College, Higher, High School, Middle leh Primary a zirtirtu indaih lohna leh hnawh khah la ngaihna pawh file a kal mek thu leh zirlai mila indaihna ah chuan dah belh kher an tum loh thu Minister hian MZP hruaitute alo hrilh bawk.

Minister chuan zirlaibu sem mek pawh theihtawp an chhuah thu sawiin, Mizoram sawrkar in nuai 100 chuang an chawi tawh thu a lo hrilh a, MZP hruaitute chuan zirlaite'n a hun taka lehkhabu an dawn theih nan chak taka hma la zel turin an ngen a, kum danga exam zawh hnu a lehkhabu dawn chauh ang kha kumin chuan thleng tawh lo tura hma la turin an ngen bawk a ni.