DOWNLOAD OUR APP

Read latest news on your phone
app-store

Narendra Modi leh Nepal prime minister ten ramri buai chungchang an khel

Apr 03, 2022

Media an hmachhawn dun tumin Prime Minister Narendra Modi chuan India leh Nepal inkalpawhna tur rel kawng siam tur chu a hawng a, India chuan Nepal hi International Solar Alliance (ISA) a tel turin a lawmlut bawk. Deuba chuan ramri buaina chungchang chu an khel ber a nih thu leh Modi chu hemi chingfel tur hian a ngen tih a sawi. Kalapani inrina-a buaina 2019-a a chhuah hnuah tun hi Nepal hruaitu in India a rawn tlawh leh hmasak-ber a ni a.

Aizawl April 3, 2022 : Prime Minister Narendra Modi leh ni thum cham tura India-a lo zin Nepalese Prime Minister Sher Bahadur Deuba chuan inbiakna an enia, ram pahnih inthenawm te inlaichinna that leh zualna tur an sawi dun tura ngaih a ni.

Deuba hi an ram mi pawimawh dang ten inbiaknaah hian an tawiawm a, Zirtawpni khan New Delhi an rawn thleng a ni.

External Affairs Ministry thupuangtu Arindam Bagchi chuan Modi leh Deuba inbiak tur chungchangah a hma lamin Twitter-ah a lo tweet tawh a, chutah chuan, "Inthianthatrna thuk tak ti zual tura hun tha a ni a, ram pahnih te thawhdunna tha leh zual a thlen ngei ang," tiin.

Tun hi nikum July-a Prime minister a nih leh hnua Deuba-a'n India a rawn tlawh leh tum khatna ni a, India a rawn zin tum nga na a ni thung. Nimina media an hmachhawn dun tumin Prime Minister Narendra Modi chuan India leh Nepal inkalpawhna tur rel kawng siam tur chu a hawng a, India chuan Nepal hi International Solar Alliance (ISA) a tel turin a lalut bawk.

Deuba chuan ramri buaina chungchang chu an khel ber a nih thu leh Modi chu hemi chingfel tur hian a ngen tih a sawi. Kalapani inrina-a buaina 2019-a a chhuah hnuah tun hi Nepal hruaitu in India a rawn tlawh leh hmasak-ber a ni a. India hian map a tihchhuah tharah Kalapani-Lipulek-Limpiyadhura tri-juction chu Uttarakhand-a a rinluh vanga buaina kha chhuak a ni. Kathmandu chuan an hmun pawimawh nia an ngaih a ni a, hemi chungchang hi Foreign Secretaries te pahnihin an la sawi dun tur a ni a, a hun tur erawh ruat a la ni lo.

Ram pahnih hruaitute hian Jaynagar-Kurtha rail link siam tur chu an hawng dun nghal a, he rel hi Nepal-a Janakpur thleng a tlan dawn a ni. India hian RuPay card chu Nepal-a hman turin a lo tlangzarh tawh bawk a ni.

Deuba hian Nepal prime minister a nih chhungin tum li India hi a lo tlawh tawh a, a rawn tlawh hnuhnunber chu 2017 daih tawh khan a ni.

* External Affairs Minister S Jaishankar chuan Deuba hi Zirtawpni khan lengah a lo sawm tawh bawk a ni.

* Nepal hi India tan a pawimawh em em a, helai bawra thuneitu nih a tumna atana hei hi a ngai nia ngaih a ni a, ram pahnih te hian 'Roti Beti' hmanga inkaihkuahna chu hun rei tak atanga khan an lo kalpui tawh a ni.

* Ram pahnih te hian km 1,850 zeta thui ramri an nei a, India state pangnga, Sikkim, West Bengal, Bihar, Uttar Pradesh leh Uttarakhand te chuan Nepal nen hian ramri an nei vek a ni. India ramin a karcheh hneh tak Nepal hian bungrua leh thil dangah pawh India kutah hian a innghat thui hle.

* Vawiin hian Deuba chuan Varanasi a tlawh dawn a ni.

Share now