Aizawl: Vairengte-Kawnpui inkar kawngpui sial meka ram neitu, Land Owners’ Association, Kolasib District chuan zangnadawmna hmuh vat an duh a, an harsatna tawhte chin fel vat a nih theih nan October 24, 2022 thleng ngaihchan ni se an ti a. Hun tiam ral hnuah thu lawmawm a awm loh chuan national highway dan an tum.

Vairengte leh Kawnpui inkara Land Owners Assn. Joint Meeting tun hnaia neih chuan July 8, 2022-a CALA Kolasib District Account-a ram neite chanvo tur zangndawmna lut tawh, sem loha awm chu sem vat a nih theih nan te, state sawrkarin forest department kaltlanga harsatna an siam chu pawi an tih thu leh company-ten hnathawh bul an tan theihna tura sawrkar auh eih nana October 24, 2022 thleng hun an pe a; hun tiam chhunga an sem lo a nih chuan road block nise an ti a ni.