Aizawl; Mizoram a Covid-19 hripui leng thawh hnihna thleng mekah naupang lam (kum 1-20 inkar)-ah hri kai an pung a, July thla chhunga hri kai hmuhchhuah zawng zawng atanga za a 36.89 chu kum 1-20 inkar niin, tun hnai thla hnih June leh July thla chhungin 3 an thi.

Kumin .June thla a hri kai hmuhchhuah zawng zawng 8,093 zingah 2,656 (32.82%) te chu kum 20 hnuai lam an ni a, kum 10 hnuai lam hri kai hmuhchhuah 1,104 awmin, kum 11-20 inkar 1,552 an awm. Hemi thla hian Covid-19 vanga nunna chân pakhat a awm bawk.

July thla chhung khan hri kai hmuhchhuah 18,433 awmin, chung zinga mi 6,800 (36.89%) te chu kum 20 hnuai lam an ni a. Kum 10 hnuai lamah hri kai hmuhchhuah 3,077 awmin, kum 11-20 inkarah 3,723 an awm a, nunna chân 2 an awm.