Aizawl; National Commission for Protection of Child Rights (NCPCR) chuan naupang ruihhlo hman sualna lak a venhimna leh zirna in leh a chhehvel a zuk leh hmuam leh ruihhlo zawrh tihtawpna kawnga hma a lak that vangin Champhai DC. Maria CT Zuali hnenah vawiin March ni 2, 2022 hian chawimawina Award, New Delhi ah a hlan.
    
NCPCR chuan in National Review cum Consultation chu March ni 2, 2020 hian Vigyan Bhawan,New Delhi ah a nei a, hemi ah hian India ram district hrang hrang thlanchhuah 260 atanga hmala tha district 20 te hnenah Award hi an hlan a ni.
    
Maria CT. Zuali Award dawnna a JAP (Joint Action Plan) hi Narcotic Bureau leh National Child Rights Commission bultuma a kaihhnawih Ministry hrang hrangten naupangte ruihhlo laka venhim an nih theihna tura an hmalakna a ni a, Mizoramah drugs kalkawnga awm District pathum, Kolasib, Aizawl leh Champhai ah te hmalak chhoh mek a ni. Maria CT Zuali hi Delhi a kal theih loh avangin a aiawhtuin a laksak a ni.