ZALEN April 10, 2025 : Vawiin tlai dar 4:30 vel khan Ngaizel kham ah lung a tla a, Tachhip atanga Aizawl rawn pan scooty-a inphur a delh a, Lalbiakdika s/o Lalfakawma, Tachhip a boral.

Kulikawn PS atanga ZALEN-in thu a dawn danin lungtla hian scooty a delh a, a delh pakhat chu Alpha Hospital, Kulikawn-ah hruai a nih hnuah a boral.

He thilthleng bawhzui hian ZALEN chuan Tachhip YMA hruaitute an bia a, an khaw pa Lalbiakdika te hi a farnu Mit entir tura an kal chu lung tla hian a delh a, Lalbiakdika hi Alpha Hospital, Kulikawn thlenpui a nih hnuah a boral niin thudawnna chuan a sawi.

Zanin dar 6:15 vel khan Lalbiakdika ruang hi Tachhip panpui a ni a, zanina lumen a ni ang a, naktukah vui a ni ang. Lalbiakdika phurh a farnu hi hliam tuarin ZMC&H-ah enkawl mek a ni.