ZALEN February 14, 2024 : 13.02.2024 (Thawhlehni) tlaia Central YMA Committee Room a NGO Coordination Committee thukhawm chuan India leh Myanmar ramri hung tum leh Free Movement Regime( FMR) thiah duhlohna lantirna punkhawm huaihawt a rel.

Meeting hi Lalhmachhuana, President, CYMA leh NGOCC Chairman ni bawkin a kaihruai. Meeting ah hian FMR thiah leh Border Fencing duhlohna leh sut leh tura ngenna Union Home Minister hnena Memorandum thehluh a nih tawh baka hma lak zel dan tur rel a ni a.

Ni 21.02.2024 (Nilaini) chawhnu dar 1:00 ah Vanapa Hall-ah punkhawm huaihawt nise an ti. Hemi bakah hian hmalakna tur dang rel a ni bawk.