ZALEN February 13, 2024 : NGO Coordination Committee (NGOCC), Mizoram chuan Union Home Minister hnenah Mizoram leh Myanmar ramri-a Border Fencing siam tum leh Free Movement Regime (FMR) tihtawp tum chu ngaihtuah tha leh tura ngenna email hmangin an thawn.

CYMA, MUP, MHIP, MZP leh MSU te chuan Government of India-in Free Movement Regime leh border fencing siam tum chungchangah UN Declaration on the Right of Indigenous People (UNRIP), 2007-a hming ziah hnantu ram a nih angin international border-in a then hran chibil te chungchang hi ngaihtuah chiang turin a ti. Govt of India-in ramri-a inkalpawhna dan tihtawp a tumna leh ramri hung a tumna hi titawp a, ramri-a inunauna tha zawk a awm theihna turin hma lak ni se an duh tih an tarlang.

Free Movement Regime hi ramri lehlam lehlama awm Mizo te inkar inpawhna tichhetu-ah kan ngai a, titawp lo turin kan ngen che a ni.

Free Movement Regime tihtawp a ni a, border fencing siam a nih bawk chuan ramri-a chengte kalphung leh nihphung a nghawng dawn a, Mizo te inkar a tibuai dawn a ni, an ti.

Heng te avang hian Government of India hi Indo-Myanmar border-a Free Movement Regime (FMR) leh border fencing siam tum hi ngaihtuah tha leh turin kan duh a ni, an ti.

Union Home Minister hnena an thu thawn ang hi Chief Minister leh Governor-ah an hlan ve bawk.