Aizawl: Mizoramah ni 26 chhung zet Covid-19 kai hmuh a nih loh hnuah a kai pakhat hmuhchhuah a ni.

IDSP report tar lan danin July 12, 2023 atang khan Covid-19 kai hi Mizoramah hmuh a ni tawh lo a. Hemi chhung hian rinhlelh test awm bawk mah se an kai lo tih hmuhchhuah a ni.

Hun eng emaw chen hri kai hmuh a nih loh hnuin nimin khan Covid-19 nia rinhlelh sample pathum test a ni a, an zinga pakhat chuan a kai tih hmuhchhuah a ni.

Tun dinhmunah Mizoramah Covid-19 vei nia rinhlelh sample test tawh 19,96,726 awmin heng zinga 2,39,556 chuan an kai (positive) tih hmuhchhuah a ni a. Dam taka chhuahtir tawh mi 2,38,821 awmin vanduaithlak taka thi mi 734 an awm bawk a. Tun dinhmunah hri kai enkawl lai mi pakhat a awm mek a ni.