Aizawl : Serchhip Battalion, Assam Rifles leh Headquarter 23 Sector Assam Rifles/ Headquarter Inspector General Assam Rifles (East) te bul tuma ni 15 zet National Interactive Tour nei Sainik School Chhingchhip naupang te chu nimin khan Brig. Vinod S, SM, VSM, DIG, 23 Sector Assam Rifles chuan an hmunpuiah a lo dawngsawng.

He tour-ah hian zirlai 14 leh zirtirtu pahnih bakah Serchhip Battalion atangin anmahni buaipui tu atana ruat ten an ho a, November 19, 2019 khan Chhingchhip an chhuahsan a, nimin khan Aizawl an lo thleng.Tour an neih chhung hian Mumbai leh Pune leh a chhe vela hmun pawimawh leh zinmite hip khawm thin hmun te an tlawh a, Sainik School, Satara, Maharashtra te an tlawhpui bawk. Zirlai te hian defence hmunpui hrang hrawng an tlawh bakah National Defence Academy, Khadakwasla, Pune-ah Passing Out Parade hun an hmanpui a, Mumbai-a Naval Dickyard te an tlawh rualin tuihnuai lawng (Submarine) te leh India indo lawng te enpui an ni. Indian Railways chuan a bik takin tour an buatsaih sak bawk a ni.