Pakistan PM Imran Khan-a’n Covid-19 a kai ve
March 18 khan China siam, Sinovac vaccine an tih chu a la chiah a. Hei hi dose hnih lak tura a hmasa zawk niin invenna damdawi hi la theuh tur pawhin a ram mipuite a chah bawk a, a hnu lawkah a kai ve tih finfiah a ni zui ta a ni

Pakistani Prime Minister Imran Khan chuan tun laia hri leng mek, Covid-19 a kai ve tih an ram health minister chuan a puang.
Kum 68 mi, Khan hi inah a inkhung hrang niin Minister Faisal Sultan chuan Twitter-ah a tar lang.
An ram cricket team captain thin, Khan hi August, 2018 atang khan prime minister ni tanin ni hnih liam ta maiah khan invenna damdawi hi a la ve nghe nghe.
Pakistan-ah hian Covid-19 avanga thi hi mi 13,799 an awm tawh a, mi 6,23,135-in an kai tawh bawk tih Johns Hopkins University chuan a tar lang.
Covid-19 hri hi invenna damdawi lak ruala him mai theih a ni lo tih mi thiamte chuan an sawi a, a hrik laka taksa inveng tura insiam tur chuan chawlhkar eng emaw zat invenna lak atangin a ngai thin a. Invenna lak ruala him thei tihna a ni lo.
Prime Minister Khan hi tun hnaiah meeting pawimawh tak takah a tel hnem hle a, heng zingah hian an khawpui, Islamabad-a security conference pawh telin mi pawh an tam hle niin Reuters news agency chuan a tar lang.
Conference-ah hian hmai pawh tuam lovin thu a sawi a, Zirtawpniah khan mi retheite tana insak tur lung a phum bawk.
Pakistan-ah hian vantlang tana invenna damdawi pek hi March 10 khan tanin kum upa an pe hmasa.
Sinopharm bakah CanSinoBio, Oxford-AstraZeneca leh Sputnik V vaccine-te chu emergency atan inven nan an hmang mek.
Latest News
-
MSU-in pension kum 60 atanga kum 62 a tihsan tum dodal tum
2m | Feb 03, 2023 -
Pathian leh mipui zarah kan sawrkar leh ngei kan beisei - MNF President
2m | Feb 03, 2023 -
-
-
MNF sawrkarna hnuaiah Krismas kan hmang tawh dawn lo - Lalsawta
2m | Feb 03, 2023 -
JAIL A TAWT : DAMCHHUNG JAIL TANG TUR MI 48
1m | Feb 03, 2023