Helhovin Pakistan-a police compound an beihnaah sipai 23 thah an ni a, tam takin hliam an tuar bawk.

Beihna hi zing hma taka thleng niin Afghanistan nena an inrina, Khyber Pakhtunkhwa province-a building-ah puakthei phur a tlan lut a ni.

Pakistan Taliban-a inziak lut hel pawlin Thawhlehnia beihna hi an tih niin an chhal.

An neih compound hi Pakistani sipaiten an base camp atana an hman lai a ni.

Lirtheia an sut chilh hma hian helho hian Dera Ismail Khan district-a compound chhung hi luhchilh an tum nasa a; mahse, an hlawhchham niin sipai thuchhuah chuan a tar lang.

An luhchilh theih loh hnuah puak thei phur truck tirin a hungna suin a puak a, thihchilh bomb paituin zuiin building pawh a chim phah zui a ni.

Compound chhunga puak thei dahte pawh a puak tel nia sawi a ni a. Thuneitu sang pakhat chuan an mut lai a ni a, an thih phah tam niin a sawi.

Sipaite chuan a beitu mi paruk thah an nih thu an sawi a. Zankhuaa beihpui an thlak zuinaah hel 27 a that bawk niin an sawi bawk.

Prime minister nihna chelh lailawktu, Anwaar ul-Haq Kakar leh interior minister lailawk, Sarfraz Bugti te chuan an dem thu an sawi.

Kumin kum tira indin chauh, Tahreek-e-Jihad Pakistan (TJP) chuan an tih a nih thu an puang tawh.

Pakistan-ah hian Tehrik-i-Taliban Pakistan (TTP)-in inkahhai an puan an hnuhdawh hnuah hel chetna a tam thar hle a, a bikin Afghanistan nena an inrina hnaihah a tam zual.

Mi thiamte chuan TTP hi an thenawm, Afghanistan-a Taliban-in kum 2021-a thuneihna an chan leh hnuah an pawng thar niin an sawi.

Islamabad pawhin ramria hel chetna hi ramri kâna chetna a nih fo thu an sawi a, Taliban erawh chuan a pha nasa hle thung.

TTP (Pakistan Taliban) hian kum tam tak chhung chu an ram sipai leh venhim hna thawktute an lo bei tawh a. Afghan Taliban nen ngaihdan inang chiah an nei a; mahse, pawl hrang an ni.

A pawl hian Pakistan hmarthlang lamah Muslim dan firfiak tak, Sharia law hman ve duhtu an ni.

January thla khan Peshawar khawpuia mosque beihnaah mi 100 vel an lo thi tawh a. He thil hi TTP chuan an tih a nih loh thu sawi mah se an pawl atanga kal hrang commander chuan an tih a nih ngei thu a sawi ve thung.