tornado hre ngai lo

Mediterranean Sea-a thliarkar pakhat, khualzinten chawlh hman nana an hman nasat tak, Pantelleria hi tlang kan tawhna hnuhma leh lei atanga tui sa inphuh chhuak tam avangin hriat a hlawh hle a. Mi pangngai bakah mi lar (celebrity)-te pawhin chawlh hman nan an tlawh nasa hle thin.
    Europe khawmualpui pumah hian tornado hi hriat tur vak a awm ngai lo va; mahse, kum tin za chuangin khawi lai lai emaw hi a nuai ziah rin a ni thung a. A tam zawk hi chu thingtlang kilkhawr tak tak nuai thin a nih avangin sawi lan leh hriat lem loh a ni thin.
    Kumin kum tir lamah khan thlipui na takin Czech Republic nuaiin mi panga an thih bakah mi 150 velin hliam an lo tuar tawh bawk.
    Mi thiamte chuan khawvel pum lum zelah tuipui chung boruak a lum a, hei hian tun hmaa hriat ngai loh thlipui chak leh hrohrang zawk insiam theihna a tam bik hle niin an sawi bawk.

Tornado-in Italian thliarkar a nuaiah mi pahnih an thi.

Thlipui na tak hian khualzinte tlawh nasat tak, Pantelleria-a lirtheite pawh a len a, inchung eng emaw zat a hawk a, mi pakuain hliam an tuar bawk niin Italy-a civil protection agency chuan a sawi.

Hliam tuar zinga mi pali chu an dinhmun a tha lo hle nghe nghe.

Chhanchhuah hna thawktu zinga pakhat chuan Italy-a Ansa news agency hnenah tornado hnuhma chu a rapthlak tak zet tih a sawi.

Tual chhung chanchinbute chuan tornado hian tuipui kama kawngte pawh a tichhia niin an tar lang.

Thi pakhat zawk hi kangthelh pawla thawk niin a duty lah lai a ni tih civil protection agency chuan an sawi a. Thi pakhat zawk, putar kum 86 mi len hian car-a chuang lai ve ve niin Ansa news agency chuan a tar lang.

Rikrum thila thawktute chuan hliam tuarte chu helicopter hmanga khawpui lian zawk, Palerm-a phurh turin an ruahman mek a; mahse, khaw that deuh hun an nghak.