June 23, 2023;  MNF Vice President Vanlalzawma'n, "MNF chu Pathian in a hre reng thin a, a tanpui thin," a ti.

 Vawiin Mizo Hnam Run chhung inkhawm-ah thusawiin, Vanlalzawma chuan, "Tunhnai chhova inthlana kan chet that tawk lohna te chu, opposition party te boruak thalo leh chetchhiatna ten a hliahkhuh leh thuai a. Chu chuan party mipui min tiphur thar leh a, sorkar leh ngei turin kan bei a. Kan sorkar leh ngei pawh a beisei awm hle a ni. Hengte hi Pathianin kan thatna tura rem a ruatna zel a ni," a ti. 

Kolodyne Multi-Modal Transit Transport Project (KMMTTP) chungchang pawhin sawiin, "He project hi peihfel a ni thuai dawn a. A hlawhtlin hunah chuan kan hawilam kan thlak  deuh vek dawn a ni," a ti a, "Paletwa leh Sittwe ah te Lawng chawlhna peihfel a ni deuh vek tawh a. Bungrua tam zawk chhimlam atangin man man zawkin kan chawlut tawh dawn a. Phai lam atangin bungrua leh mamawh Mizoram kaltlangin an rawn la tawh zawk dawn a ni," a ti bawk.