February 9, 2024; PHE minister Prof. Lalnilawma'n nimin (8.2.24) khan Mizoram mipui tam takte tui tlan ber Tlawng lui hnar tlawh a, a bul chiaha Sairep khua a tlawh nghal bawk.

Sairep khua hi Aizawl khawpui tui tlan ber Tlawng hnara awm anih avangin ramngaw ti chereu lo zawnga eizawnna leh devolopement a an duhsak bik deuh anih pawhin veng dang leh khawdang ten an thik thiang dawn lo tih PHE minister chuan a sawi.

Tlawng hi Aizawl khawpui leh a chhehvelin an tui tlan ber anih avangin humhalh that a ngai hle tih PHE minister chuan sawi bawkin, "Sairep khaw mi leh sa te pawh kan ram ngaw tui hna siamtu ti chereu lova theih tawp chhuaha lo humhalh tlat turin ka ngen a ni," a ti bawk.