ZALÊN April 23, 2025; Nizan dar 11:40 khan, Mizo zinga phir la dam upa ber nia hriat pakhat zawk, Lalchhingpuia (91), Mission Veng chu a boral.

Lalchhingpuia (91) H/o Rochhingpuii, Mission Veng, Muka Section hi nizan khan an chenna in-ah tlaivarpui niin, vawiin chhun dar 12-ah, Mission Veng Presbyterian Kohhran hall ah vui a ni ang.

July 18, 1934 a piang niin, Mizo zinga phir la dam upa ber nia hriat an ni a, a unaupa chu Phirdailova a ni.

Phirdailova leh Lalchhingpuia te hi Rohnuna leh Rualchhingi te inkarah Mission Veng, Aizawl-ah an piang a, an piantirh atangin Aizawl an la pemsan lo a, Mission Veng-ah an la khawsa ngar ngar a ni. Phira hi Boys M.E School ah a thawk thin a, Lala hi AIR, Tuikhuahtlangah a thawk thin thung.

Phira hi a nupui Lalngaihawmi chuan 26.2.2022 khan a boral san tawh a, anni hian fa 7 an nei a, pakhat a boral tawh. Lala hi a nupui Rochhingpuii chuan a la dampui a, anni hian fa panga an nei a, pahnih chu an boral tawh.

Hriat theih chinah India rama phir unau dam rei ber ni a ngaih a ni.