Aizawl: Mizoram sawrkar pisa te chu ni 3.1.2019 (Zirtawpni) atanga hawn tan ni mahse khua in a zirloh vang nge ni pisa kai an tlem hle.

Ruahman dan chuan Zirtawpni kha pisa kai leh hawn hun tur a ni a, mahse khua a chhiat avang leh kumthar vuakvet avangin sawrkar hnathawk tlem te chauhin pisa an kai a, pisa kai chhun te pawh tum dang ai chuan an bang hma. Hetih lai vek hian mipui lam pawh pisa dawr tur an la awm mang lo bawk.

Sumdawnna hmun pawh a la reh hle a, dawr inhawng pawh an tlem hle. Aizawl New market ah pawh tumdang ai chuan mipui an tlem a, chawhmeh leh thawmhnaw zuar thenkhat an awm. Dawr in hawng te hi a tlangpuiin ei leh in lam zawrhna leh damdawi dawr te an ni a. Public transport service te pawh dan pangaiin an tlan a, nidang ang chuan chuang tur mipui lam an tam rih lo.