Politics-a inhnialna siamtu, thihna thleng tam tak ven theih bawk

Admin - Oct 03, 2021

mi 1,00,000  zinga mi 70,000 vel zet chu invenna damdawi la lo an ni

Johns Hopkins Bloomberg School of Public Health-a hri inkai thar theih lama mi thiam, Dr David Dowdy chuan state hrang hranga thite dinhmun a zir chianna atangin thi tam tak hi chhan theih an nih thu a sawi.

Thla thum leh a chanve liam ta chhunga thi thar, mi 1,00,000  zinga mi 70,000 vel zet chu invenna damdawi la lo an nih thu sawiin, la sela chuan chhan theih tur an nih thu a sawi.

Invenna la vek chunga hri leng thihpui zinga mite pawh a la ve loten an kai a nih hlawm thu a sawi a bawk.

“Invenna pek kalpui hi ngun leh tha lehzuala kan kalpuia kan la a nih ngaih chuan, heng thihna thleng zinga 90% hi chu kan veng thei ang tih chiang takin ka sawi ngam,” tiin June thla laihawl khan Dowdy-a hian a lo sawi daih tawh tih The Associated Press news agency chuan a tar lang.

US-ah hian coronavirus chungchang thu dik tawk lo thehdarh leh hmai tuam leh tuam loh chungchanga politics-a inbeihna a la thleng nasa reng a. |huang hnihah ram hi a inthen phawk ang pawha sawi theih a ni.

Republican governor thenkhat, Texas leh Florida pawh telin, chuan hmai tuam chu tul an la ti lo reng a, mi mal zalennaah an dah.

Democrats enkawl California-ah erawh chuan vaccine lak chu zirlaite tan ngei ngei tur (compulsory) a nih thu an puang ve thung.

Zirlaiten invenna lak tur tih hi California-in an ti hmasa ber ta a, Governor Gavin Newsom chuan Zirtawpni khan a puang.

Share now