September 18, 2023; ZPM Leader, CM candidate ni bawk Lalduhoma'n, amah chibai tumtu nia lang lak a a tawngkam hman chuan sawi zui a la hlawh chhunawm zel a, tunlai politics titi lian ber a la ni zel.

September ni 14 khan ZPM Champhai North Block Conference leh mithar lawmluhna hun, Kahrawt Community Hall, Champhai ah hman a ni a, chuta sawizui hlawh leh video viral ta chu, chu hun hmanpuitu ZPM Leader thusawi laia thil thleng a ni.

MNF thuchhuah a tarlan a nih danin, ZPM Leader chibai tumtu Lalrammawia (Mapuia) leh a nupui Lalhmachhuani te chuan September ni 15 zan khan ZPM chhuahsan in, MNF party an zawm a, North Khawbung MNF unit ah an inziaklut a ni.

ZPM Leader tawngkam hman leh amah chibai tumtu chetphung hi tun thlengin politics titi lian ber a la ni chhunzawm a, social media lamah hemi chungchang article tam tak a awm phah tawh a, inthlan hnai chho zel karah, he thil thleng hi sawi thar a nih chhoh zel pawh a rinawm.