Aizawl: Zirtawpni (21.5.2021) a laboratory hrang hranga hrikai endikna ah Covid-19 positive 292 hmuhchhuah a ni a, Mizoramah ni khat thil thua hmuhchhuah tam ber a ni.

Mizoramah chuan nikum March thla khan Covid-19 hri kai pakhat hmuhchhuah a awm a, hemi hnu hian hri kai hmuh chhuah thar hi pung chho zel mah se, ni khat thil thua hri kai 290 chuang hmuh chhuah ni a la thleng lo a, Zirtawpni kha nikhat thil thua hri kai hmu chhuah tam ber ni a ni. 

ZMC RT-PCR Laboratory-a sample test 2805 zingah COVID-19 positive 148 hmuhchhuah an ni a. TrueNAT Laboratory-a sample test 184 zingah COVID-19 positive 3 an awm bawk a. Rapid Antigen Test hmanga sample test 1399 zingah COVID-19 positive hmuhchhuah thar 141 an awm thung a ni.